Кабини безбедни при судир
Најчестото сценарио на сообраќајни незгоди вклучува директен судир или превртување. Во овие, како и во други сообраќајни незгоди во коишто кабината е удрена од надворешен предмет, примарна задача на кабината е да ја пренесе енергијата наназад преку неа, со цел да се задржи доволно простор за преживување внатре.

Во Volvo Trucks темелно ги тестираме нашите кабини во серија секвенци, вклучувајќи го и тестот со предно нишало. Сите кабини ги исполнуваат шведските стандарди за цврстина на кабината - инаку, најстроги во светот.

Ја апсорбира енергијата на ударот
Во случај на сообраќајна незгода дејствуваат огромни сили. Силата на којашто се изложува вашето тело е веројатно најмалку двапати поголема од тежината на целото ваше тело. Токму затоа, внатрешноста на кабината треба да ја апсорбира енергијата, со цел да се ублажи ударот на човечкото тело.

Во сите наши кабини, управувачот и контролниот пулт апсорбираат енергија, како и приборот во висина на колениците. Исто така, целиот текстил на облогата е направен од огноотпорни материјали.

Дополнително, внатрешниот прибор - како што се микробрановата печка и кафематот - е дизајниран така што ќе биде цврсто прицврстен на структурата на кабината. Ова гарантира дека во случај на судир или при нагло сопирање тие ќе останат на своето место.